Бугун 6 нафар қозоғистонлик боксчи Осиё чемпионатида рингга чиқади
Мусобақанинг бешинчи кунида қозоғистонлик аёл боксчилар рингга кўтарилади.
Ёшлар ўртасидаги жаҳон чемпионати кумуш медали совриндори Жазира Орақбаева 52 килограммгача бўлган вазн тоифасида жанубий кореялик Ким Чае Вонга қарши рингга кўтарилади.
Япониялик Хана Нарита Осиё ўйинлари кумуш медали ва жаҳон чемпионати бронза медали совриндори Жайна Шекербекованинг (54 кг) рақибидир.
Жаҳон чемпионати бронза медали совриндори Карина Ибрагимова 57 килограмм вазн тоифасида яна бир жанубий кореялик Им Ае Жидан ўтишга ҳаракат қилади.
63 килограмм вазнда Қозоғистон чемпиони Аида Абикеева япониялик Май Кито билан куч синашади.
Осиё чемпиони, Рио Олимпиадаси бронза медали совриндори Дариға Шакимова 70 килограммгача бўлган вазн тоифасида ҳиндистонлик Пужа билан куч синашади.
75 кг вазн тоифасида жаҳон ва Осиё чемпиони Валентина Хальзованинг рақиби ҳиндистонлик Ловлина Боргохайн бўлади.
Кундузги сессия Астана вақти билан соат 16.00да, кечки сессия 21.00да бошланади.
Ушбу чемпионатда қозоғистонлик уч боксчи Мадина Нуршаева (66 кг), Гулсая Ержан (81 кг) ва Лаззат Кунгейбаева (+81 кг) мусобақани ярим финалдан бошлайди. Уларнинг ҳисобида камида бронза медали бор.
Эслатиб ўтамиз, аввалроқ Дулат Бекбауов бокс бўйича Осиё чемпионатининг чорак финалига йўлланма олди.
Осиё чемпионатида Асланбек Шимбергенов рақибини нокаут эвазига мағлуб этди.
Муаллиф: Ғайсағали Сейтақ
