Бучадаги вазият: Россия БМТ Хавфсизлик Кенгаши йиғилишини чақиришни талаб қилди
Вазирлик шунингдек, Киевнинг Буча туманида тинч аҳолини ўлдиргани ҳақидаги айбловларни рад этиб, сурат ва видеоларни «саҳналаштирилган» деб атаган. Душанба куни Москва Бучадаги вазият юзасидан БМТ Хавфсизлик кенгаши йиғилишини чақиришни талаб қилди.
Россия Украинадаги операциянинг барча мақсадларига эришади, деди якшанба куни «Москва. Кремл. Путин» дастури давомида Россия Федерацияси Президентининг матбуот котиби Дмитрий Песков. У аввалроқ «Беларусь-24» телеканалига берган интервьюсида Украинани демилитаризация қилиш «тўлиқ жадаллик билан» кетаётгани ва ҳарбий инфратузилмалар «катта даражада вайрон қилинганини» айтган эди.
Мудофаа вазирлиги маълумотларига кщра, дам олиш кунлари Россия ҳарбийлари Полтава ва Днепрдаги аэродромларни аниқ бошқариладиган қуроллар ёрдамида демонтаж қилган, Одесса яқинидаги нефтни қайта ишлаш заводи ва учта ёқилғи омборини вайрон қилган. Вазирликнинг қўшимча қилишича, Киев вилоятидаги аэродромга қилинган ҳужум Украина Ҳарбий-ҳаво кучлари ва Ҳаво ҳужумидан мудофаа кучларининг огоҳлантириш ва бошқарув марказини йўқ қилган.
Бучадаги иғвогарлик
Россия Мудофаа вазирлиги Киев вилоятининг Буча аҳоли пунктида олинган сурат ва видеоларни Киевдаги навбатдаги провокация деб атади. Вазирлик Россия қўшинлари 30 март куни Буча шаҳридан олиб чиқиб кетилганини айтди, бироқ шаҳар мэри Анатолий Федорук 31 март куни берган баёнотида «кўчаларда қўллари боғланган маҳаллий аҳолини отиб ўлдирганини» айтмади.
Вазирлик хабарида айтилишича, барча «жиноят далиллари» Украина хавфсизлик хизмати Бучага етиб келганидан кейингина пайдо бўлган. 4 апрел куни Россия Бучадаги вазият бўйича БМТ Хавфсизлик кенгаши йиғилишини чақиришни талаб қилди. «Биз украиналик мағрур провакаторлар ва уларнинг ғарбдаги ҳомийлари ёлғон гапираётганига аминмиз», — деди Россиянинг Жаҳон ташкилотидаги доимий вакилининг биринчи ўринбосари Дмитрий Полянский.
Москвага қарши янги санкциялар ва Киевга қурол етказиб бериш
Ғарб Россияга қарши санкцияларни кучайтириш ҳақида гапирмоқда. Иқтисодий масалалар бўйича Европа комиссари Паоло Жентилони сўзларига кўра, Европа Иттифоқи энергетика соҳасига таъсир қилмайдиган ва уларни четлаб ўтиш қийин бўлган янги чораларни кўриб чиқмоқда. Германия ҳукумати душанба куни қаттиқроқ санкцияларни муҳокама қилишни режалаштирмоқда. Германия канцлери Олаф Шольцга кўра, Берлин Украинага қурол етказиб беришда давом этади. Британия, шунингдек, Россияга қарши санкцияларни кучайтириш ва Украинага ҳарбий ёрдамни ошириш ниятида.
Қўшма Штатлар Киевга яна 300 миллион доллар ҳарбий ёрдам беради (Россия операция бошланганидан бери 1,6 миллиард доллардан ортиқ маблағ ажратди). Хусусан, лазер ёрдамида бошқариладиган ракета тизимлари, Switchblade снарядлари ва учувчисиз Puma бор.
Вашингтон, шунингдек, Киевнинг қурол-яроғга эга бўлишини таъминлаш учун дунё мамлакатлари билан ишламоқда, деди АҚШ Давлат котиби Энтони Блинкен CNN телеканалига. Тhе New York Тimes газетаси АҚШ маъмуриятидаги манбасига таяниб, Қўшма Штатлар Украинага Совет Иттифоқида ишлаб чиқарилган танкларни етказиб беришга кўмаклашаётганини маълум қилди.
