Бу йил вилоятларга қанча шифокор юборилди

None
ASTANA. Kazinform – ҚР Соғлиқни сақлаш вазирлиги ҳудудларда тиббиёт ходимлари етишмаслигини бартараф этиш бўйича қандай ишлар амалга оширилаётганини маълум қилди, дея хабар беради Kazinform мухбири.

«Соғлиқни сақлаш вазирлигининг таълим ва илмий ташкилотлар битирувчиларини олдиндан тақсимлаш комиссияси қарори билан тиббиёт ходимлари етишмаслигини бартараф этиш мақсадида йил бошидан буён ҳудудларга таълим ва илмий ташкилотларнинг 3 339 нафар битирувчиси ажратилган бўлса, улардан 911 нафари қишлоқларга йўл олади», - деди вазирлик агентликнинг расмий сўровига жавобан.

Вазирлик маълумотларига кўра, шифокорлар касблари бўйича қуйидагиларга бўлинган: умумий амалиёт шифокори – 1904 нафар, соғлиқни сақлаш шифокори – 204 нафар, инфекционист – 54 нафар, анестезиолог-реаниматолог – 195 нафар, жарроҳ – 16 нафар, онколог – 50 нафар, пульмонолог – 15 нафар, педиатр –76 нафар, терапевт – 32 нафар, неонатолог – 40 нафар.

«Ҳудудларга кадрларни жалб қилиш мақсадида резидентурада мутахассислар тайёрлашга давлат таълим буюртмаси берилди. 2023 йилда 2292 нафар резидент ўқишга кириши кутиляпти», - дейилади вазирлик хабарида.

Муаллиф: Марлан Жиембай


Сўнгги хабарлар