Бу йил Қозоғистонда мажбурий ҳарбий йиғинга 3000 нафар ҳарбий чақирилади
ASTANА. Кazinform - Қозоғистонда қуролли кучларни тайёрлаш режасига мувофиқ, ҳарбий хизматга мажбурлар билан навбатдаги ҳарбий йиғин ўтказиш режалаштирилган. Бу ҳақда Қозоғистон Республикаси Қуролли кучлари Бош штаби бошлиғининг ўринбосари, генерал-майор Сакен Жусипов маълум қилди.
Йиғиндан кўзланган асосий мақсад тинчлик даврида қисқартирилган таркибда сақланаётган ҳарбий қисмларнинг жанговар ва сафарбарлик шайлигини ошириш, сафарбарлик даврида армияни жойлаштириш учун ҳарбий тайёргарликдан ўтган ресурсларни тайёрлаш, уларни захирада сақлашдан иборат.
“Ҳарбий йиғин ҳар йили ўтказилади, унинг давомийлиги - 30 кун. Ўтган йили йиғинга 1500 киши чақирилган. Бу йил чақирилганлар сони 3 мингтага етди. Чақирилувчилар сонини кўпайтириш ҳарбий тайёргарликдан ўтган захирани армия учун зарур бўлган ҳарбий ҳисоб-китоб касбларига ўргатиш орқали тўплашга боғлиқ. Ҳарбий тайёргарликдан ўтиш ҳарбий хизматчиларга ўз мутахассисликлари бўйича олган кўникмаларини нормаллаштириш имконини беради”, — деди Сакен Жусипов Марказий коммуникациялар хизматида ўтказилган матбуот анжуманида.
Амалдаги қонунга кўра, ҳарбий хизматга чақирилиши мумкин бўлган шахснинг ёш чегараси белгиланган, яъни оддий аскарлар ва сержантлар учун - 50 ёш; офицерлар учун - 60 ёш.
“Ҳарбий йиғинга соғлиғи бўйича яроқли кишиларлар чақирилади, шунинг учун улар дастлабки тиббий кўрикдан ўтказилади. Улар Мудофаа вазирлиги маблағлари ҳисобидан темир йўл ёки автомобиль транспортида ташилади. Йиғин полигонда бўлиб ўтади, чақирилувчилар дала лагерида бўлади”, — деди спикер.
Ҳарбий йиғинга чақирилган фуқаролар худди ҳарбий хизматчилар каби кийим-кечак, озиқ-овқат ва тиббий ёрдам билан таъминланади.
Ҳарбий йиғин даврида ҳарбий хизматчиларнинг иш жойи ва лавозими сақланиб қолади, уларга давлат ҳисобидан ўртача иш ҳақи тўланади, ишламайдиган фуқаролар эса энг кам иш ҳақи олади.
