Бу йил Қозоғистонда грант танловига аризалар 13 июлдан 20 июлгача қабул қилинади

ASTANA. Kazinform - Агар Ақтаулик абитуриент Алматидаги олий ўқув юртига ҳужжат топширмоқчи бўлса, ҳужжатларини маҳаллий университет орқали юбориши мумкин. Бунинг учун махсус Алматига бориш шарт эмас. 2023 йил учун асосий Миллий Ягона Тест якунларини эълон қилган Фан ва олий таълим вазири ўринбосари Қуаниш Ерғалиев чекка ҳудудлардаги абитуриентларга шундай маслаҳат берди, деб хабар беради Kazinform мухбири.

«Шу ўринда бир муҳим нарсани айтмоқчиман: ҳужжатларни исталган университет орқали топшириш мумкин. Масалан, Алматида ўқишни режалаштираётган ақтаулик битирувчиси ўз ҳужжатларини еGov орқали ёки офлайн режимда маҳаллий университет орқали Алматига грантга ҳужжат топшириш учун келмасдан топшириши мумкин», - деди у марказий алоқа хизматида ўтказилган брифингда.

Шунингдек, вазир ўринбосари грант танловига ҳужжатларни қабул қилиш 7 кун давом этиши ҳақида огоҳлантирди.

«Жорий йилда грант танловида иштирок этиш учун аризаларни қабул қилиш кампанияси 13-20 июль кунлари амалга оширилади. Чекка ҳудудларда яшовчи абитуриентларга қулайлик яратиш мақсадида онлайн аризалар еGov электрон ҳукумат портали орқали қабул қилинади. Бундан ташқари, ҳужжатларни анъанавий форматда – офлайн режимда топширмоқчи бўлганлар учун олий таълим муассасаларининг қабул комиссиялари ишлайди», - деди Қуаниш Ерғалиев.

Муаллиф: Есимжан Нақтибай