Бу йил Қозоғистонда экин майдонлари 105 минг гектарга кўпайди – вазир
«Ҳокимликлардан олинган маълумотларга кўра, 2022 йил учун экин майдонларининг прогноз тузилмаси шакллантирилди. Умумий экин майдони 23,1 миллион гектарни ташкил этади. Бу 2021 йилга нисбатан 105 минг гектарга кўпдир. Ем-хашак экинлари ҳажми сезиларли даражада ортиб, 3,6 миллион гектарга етди. Бу кўпроқ ем-хашак етиштириш, эҳтиёжманд ҳудудларнинг эҳтиёжларини қондириш имконини беради. Картошка, кунгабоқар ва сабзавот, яъни ижтимоий экин майдонлари ҳам кўпайди. Агросаноат комплексини давлат томонидан қўллаб-қувватлашга янгича ёндашувлар, жумладан, рақамли технологиялардан фойдаланган ҳолда алмашлаб экишни сақлашга қатъий ёндашиш кераклигини алоҳида таъкидламоқчиман. Масалан, мойли экинлар серҳосил ва донли экинлардан кўра кўпроқ машҳур. Бунга алоҳида эътибор қаратиш лозим», — деди вазир.
Унинг айтишиса, баҳорги экиш ишларига тайёргарлик кўришда об-ҳаво ҳодисалари ҳисобга олинади.
«Шундай қилиб, тупроқдаги намликни тўплаш ва ундан оқилона фойдаланиш чора-тадбирларини кўриш мамлакатимиз қишлоқ хўжалигининг энг муҳим вазифаларидан биридир. Ҳудудлар ҳам шундай қилмоқда. Икки йўлда қарийб 3,1 миллион гектар майдонда қор тозалаш ишлари олиб борилди. Бу 2021 йилнинг мос даврига нисбатан 2,5 баробар кўпдир. Ҳозирги вақтда намликни қоплаш ишлари олиб борилмоқда. Тупроқда етарлича намлик тўпланишигина яхши ҳосил беради», - дейди Ербол Қарашўкеев.
Муаллиф: Марлан Жиембай
