Бу йил Атирау вилоятига Ўзбекистондан 218 этник қозоқ кўчиб келган

Бу йил Атирау вилоятига Ўзбекистондан 218 этник қозоқ кўчиб келган
Фото: gov.kz

1 декабрга қадар Атирау вилоятига хорижий давлатлардан 212 оила кўчиб келган. Қозоғистонга доимий яшаш учун келган оилалардаги 272 этник қозоқ “Ватандош” мақомига эга бўлди, деб хабар беради Kazinform.

Атирау вилояти бандликни мувофиқлаштириш ва ижтимоий дастурлар бошқармаси матбуот хизмати хабарига кўра, вилоятга кўчиб келган ватандошлар учун вақтинчалик жойлаштириш маркази фаолият кўрсатмоқда.

“Ватандошларнинг аксарияти – 171 оилада 218 нафар киши Ўзбекистон Республикасидан келган. Россия Федерациясидан 35 оила (44 киши), Хитой Халқ Республикасидан 1 оила (1 киши), Туркманистон Республикасидан 3 оила (7 киши) ва Мўғулистон Республикасидан 2 оила (2 киши) кўчиб келди”, – дейилади бошқарма матбуот хизмати хабарида.

Эслатиб ўтамиз, ўтган йили Атирау вилоятига кўчиб келган 311 этник қозоқ ватандош мақомини олган.

Сўнгги хабарлар
telegram