Бу йил Астанада қанча бола мактабга боради

ASTANA. Kazinform – Астана шаҳрида 1 апрелдан 31 августгача умумий ўрта таълим мактабларининг биринчи синфига ҳужжатлар қабул қилинади.

Келгуси ўқув йилида Астанада 30 мингдан ортиқ бола биринчи синфга бориши кутилмоқда. Бу ҳақда Алоқа хизматида бўлиб ўтган брифингда Астана шаҳар таълим бошқармаси бошлиғи ўринбосари Маржангул Қайрбаева маълум қилди.

Маърузачининг сўзларига кўра, Астанада 196 та ўрта таълим ташкилоти мавжуд бўлиб, уларда 288 мингдан ортиқ ўқувчи таҳсил олади. Биринчи синфга ҳужжатларни қабул қилиш 1 апрелдан бошланади ва 31 августгача давом этади.

Ариза онлайн www.egov.kz портали орқали ёки қоғоз кўринишида мактабга топширилиши мумкин. Биринчи синфга мактабнинг хизмат кўрсатиш ҳудудида яшовчи ва шу йили 6 ёшга тўладиган барча 6 ёшли болалар, уларнинг тайёргарлик даражасидан қатъи назар, қабул қилинади.