Брюсселда сайёҳларни олиб кетаётган автобус дарахтга бориб урилди

BRÚSSEL. Kazinform – Бельгия пойтахтида сайёҳлар автобуси иштирокида ЙТҲ содир бўлди, деб хабар беради Kazinform агентлиги мухбири.

Маҳаллий матбуотнинг хабар беришича, ҳодиса Брюсселдаги Ван Праэт кўприги яқинида 33 нафар сайёҳни олиб кетаётган автобуснинг дарахт билан тўқнашиб кетиши оқибатида юз берган.

22 нафар сайёҳ маҳаллий шифохоналарга етказилган, улардан уч нафари оғир жароҳат олган.

Полиция воқеа юзасидан тергов олиб бормоқда.

Дастлабки маълумотларга кўра, қурбонлар орасида Қозоғистон Республикаси фуқаролари йўқ.