Брюсселда Қозоғистонга сармоя киритиш имкониятлари муҳокама қилинди

BRÚSSEL. Kazinform –Сешанба куни Европа пойтахтида Қозоғистон, Бельгия ва Люксембургнинг 60 дан ортиқ расмий ва ишбилармон доиралари вакиллари иштирокида Қозоғистон-Бельгия бизнес-форуми бўлиб ўтди, деб хабар беради Kazinform мухбири.

Тадбир Қозоғистон Республикаси элчихонаси, «ВЕСI» ва «БеНиЛюкс» савдо-саноат палаталари томонидан ташкил этилди.

Қозоғистоннинг Бельгиядаги элчиси Марғулан Баймухан тадбир иштирокчиларини қутлар экан, Бельгия иқтисодиётимизга энг йирик инвесторлардан бири эканини алоҳида таъкидлади.

— Сўнгги 30 йил ичида Бельгиядан тўғридан-тўғри йўналтирилган инвестициялар ҳажми 11 миллиард доллардан ошди ва бу кўрсаткич ҳар йили ортиб бормоқда. Бундан ташқари, сўнгги йилларда савдо ҳажми барқарор ўсиб бормоқда. Бугунги кунда Қозоғистон бозорида Бельгия капитали иштирокидаги 70 дан ортиқ компания фаолият юритиб келяпти", - деди дипломат.

Бельгиянинг Астанадаги элчиси Анри Вантигем Қозоғистоннинг Марказий Осиё минтақасидаги муҳим ролини қайд этиб, Бельгия компанияларини Қозоғистондаги тадбиркорлик субъектлари билан ҳамкорликни чуқурлаштириш имкониятларини кўриб чиқишни таклиф қилди.

Тадбир давомида иштирокчиларга сармоявий имкониятлар, шунингдек, Қозоғистон маҳсулотларини Европа бозорларига экспорт қилиш имкониятлари тақдим этилди.

Бундан ташқари, Қозоғистоннинг “Казбиофарм” ва Batys Wood Works компаниялари фармацевтика ва қурилиш соҳаларида ўзаро манфаатли ҳамкорлик имкониятлари ҳақида сўз юритди.

Бизнес-форум доирасида, шунингдек, «Казах Инвест» ва Бельгиянинг «Ahlers» транспорт-логистика компанияси, шунингдек, «БеНиЛюкс» савдо-саноат палатаси ва «MEUWISSEN» юридик фирмаси ўртасида ҳамкорлик бўйича икки томонлама ҳужжатлар имзоланди.

Муаллиф: Арнур Рахимбеков