Брюсселда Европа Иттифоқи саммити бўлиб ўтмоқда

Брюсселда Европа Иттифоқи саммити бўлиб ўтмоқда
Фото: pixabay.com

Бельгия пойтахтида Европа Иттифоқига аъзо 27 давлатнинг давлат ва ҳукумат раҳбарлари учрашиб, ички ва ташқи сиёсатнинг долзарб масалаларини муҳокама қилди, деб хабар беради Каzinform.

Пайшанба куни Европа Иттифоқи етакчилари Украинага, кенгайиш сиёсати ва ислоҳотларга тегишли алоҳида баёнот қабул қилди. Ҳуджатда қайд этилишича, Европа Иттифоқи Украина ва Молдованинг ЕИга қўшилиши бўйича музокараларни бошламоқда. Грузияга Европа Иттифоқига киришга номзод давлат мақоми берилди.

Бундан ташқари, Европа Иттифоқи Босния ва Герцеговина билан аъзолик мезонларига керакли даражада риоя қилинганда қўшилиш бўйича музокараларни бошлайди.

Европа Иттифоқи, шунингдек, Болқон давлати Кенгашнинг 2022 йил 18 июлдаги хулосасида белгиланган конституциявий ўзгаришларни якунлаш бўйича ўз мажбуриятларини бажарганидан кейин Шимолий Македония билан қўшилиш бўйича музокараларнинг дастлабки босқичини якунлашга тайёр.

Ғарбий Болқон мамлакатлари Европа Иттифоқига аъзолик истиқболига тўлиқ содиқ экани, Европа кенгаши уларнинг қўшилиш жараёнини тезлаштиришга чақираётгани қайд этилди.

Бугун Европа Иттифоқи аъзолари Яқин Шарқдаги вазият, хавфсизлик ва Европа Иттифоқининг мудофаа қобилиятини мустаҳкамлаш масалаларини муҳокама қилади.

Сўнгги хабарлар
telegram