Британиялик мутахассис: АЭС - тоза энергия манбаи

LONDON. Kazinform - Британиялик экспертлар яқин 50-100 йил ичида дунё бутунлай тоза энергияга ўтишини айтишмоқда. Шу нуқтаи назардан, атом энергетикасига ўтиш катта аҳамиятга эга, деб хабар беради Kazinform мухбири.

Саймон Маршалл Бутунжаҳон энергетика конгресси вакили. Бош қароргоҳи Лондонда жойлашган ташкилот билан 100 га яқин давлат ҳамкорлик қилади.

Конгресснинг асосий мақсади - энергетика саноатининг бугуни ва келажагини муҳокама қилиш учун жаҳон экспертларини бирлаштириш.

«KAZENERGY» Қозоғистон нефть, газ ва энергетика комплекси ташкилотлари уюшмаси ҳам конгресс билан ҳамкорликда ишлайди.

Маршаллнинг сўзларига кўра, атом электр станциясини қуришнинг афзалликлари кўп.

“Албатта, АЭС қурилишида ҳам, ишга туширилгандан кейин ҳам иш ўринлари яратилади. Тоза ва ишончли энергия манбаи энергия мустақиллигига олиб келади. Ташқи қувват манбаларига бўлган эҳтиёж камаяди. Энг муҳими, атом электр станциялари экологик тоза энергия беради”, - дейди Бутунжаҳон энергетика конгресси вакили Саймон Маршалл.

Муаллиф: Ғалимжан Қараманули