Британияда 250 йил аввал ёзилган хатлар топилди

XVII асрда Буюк Британия ва Франция ўртасида бўлиб ўтган 7 йиллик уруш даврида француз денгизчиларига ёзилган, аммо манзилларга етиб бормаган мактублар Кембриж университети профессори томонидан 250 йилдан ортиқ вақтдан кейин очилиб, ўрганилди, деб хабар беради Kazinform агентлиги Еuronewsга таяниб.

Ўнлаб мактублар аёллар ва оналар томонидан юборилган.

1758 йилда Бордодан Квебекга сузиб кетаётган "Галатея" кемаси инглизлар томонидан қўлга олинган.

“Булар дипломатлар, зодагонлар ёки буржуазия вакилларининг расмий мактублари эмас, оддий одамларнинг мактублари эканлигини дарҳол англадим. Юрагим тез ура бошлади. Бу ҳақиқатан ҳам ўзгача дунё эканлигини дарҳол англадим. Бу тарихчи сифатида бошдан кечирган энг кучли туйғу”, – дейди Кембриж университети тарих профессори Рено Морьё.

Мактублар XVII аср охиридаги одамларнинг кундалик ҳаётини очиб беради.

Уларнинг бирида она ўғлидан хабар йўқлигидан ранжиса, иккинчисида хотин эрига абадий содиқ қолишга қасамёд қилган.

Хат жўнатувчиларнинг баъзилари яқинларини кўрмасдан вафот этган.