Британия иқтисодиёти рецессия ҳолатида

Буюк Британия ялпи ички маҳсулоти икки чорак кетма-кет пасайиб бормоқда, бу Буюк Британия иқтисодиёти техник рецессияга учраганини англатади, деб хабар беради Каzinform агентлиги.

Миллий статистика бошқармаси 2023 йилнинг тўртинчи чорагида Буюк Британия ялпи ички маҳсулоти 0,3 фоизга қисқарганини тахмин қилмоқда. Бу ўтган йилнинг учинчи чорагида Буюк Британия иқтисодиёти 0,1 фоизга қисқарганидан кейин содир бўлди.

Шуни таъкидлаш керакки, ЯИМ маълум вақт оралиғида ишлаб чиқарилган товарлар ва хизматларнинг бозор қийматининг асосий кўрсаткичи бўлиб, мамлакатнинг иқтисодий саломатлиги кўрсаткичи бўлиб хизмат қилади. Агар бу кўрсаткич икки чорак кетма-кет пасайса, вазиятни рецессия сифатида тавсифлаш мумкин.