Бразилияга чидаб бўлмас жазирама иссиқ келди

Бразилия
Фото: pixabay.com

Бразилиянинг 3000 га яқин шаҳрида ҳаддан ташқари иссиқлик туфайли об-ҳаво бўйича қизил огоҳлантириш эълон қилинди. Беш кундан ортиқ вақт давомида ҳаво ҳарорати ўртача 5 °C юқори бўлиши кутилмоқда ва бу соғлиқ учун жиддий хавф туғдириши мумкин, деб хабар берди Кazinform агентлиги BBCга таяниб.

Рио-де-Жанейро ва унинг атрофидаги ҳудудларда ҳаво ҳарорати рекорди янгиланди, у ерда термометр 52,5 °С га кўтарилди.

Камида жума кунига қадар давом этиши кутилаётган жазирама иссиқдан юз миллиондан ортиқ одам жабр кўргани айтилмоқда.

Иссиқ тўлқин Эль-Ниньо табиат ҳодисаси ва иқлим ўзгариши билан боғлиқ.

Миллий метеорология институти (Inmet) маълумотларига кўра, сешанба куни тушдан кейин Сан-Паулу шаҳрида ўртача ҳарорат 37,3 °C бўлган.

Қайд этилишича, ғайритабиий иссиқлик Бразилияда энергия сарфи рекорд даражага кўтарилишига сабаб бўлган.

Ўтган ҳафта нашр этилган Inmet тадқиқоти шуни кўрсатдики, июлдан октябргача мамлакатдаги ўртача ҳарорат тарихий ўртача кўрсаткичдан юқори бўлган.

Сўнгги хабарлар