Бразилияда сув тошқинлари қурбонлари сони 169 нафарга етди

ASTANA. Kazinform – Бразилияда кучли ёғингарчилик туфайли юзага келган сув тошқинлари қурбонлари сони 169 кишига етди, яна 56 киши бедарак йўқолган деб топилди. Бу ҳақда Anadolu ёзди.

Уч ҳафта олдин жанубий Рио Гранде-ду-Сул штатида кучли ёмғир ёғди.

Бразилия фуқаро муҳофазаси агентлиги маълумотларига кўра, 469 қишлоқда қидирув-қутқарув ишлари давом этмоқда.

Қатор аҳоли пунктларида сув сатҳи пасайиб, сув тармоқлари тикланди, аҳоли босқичма-босқич ичимлик суви билан таъминланмоқда.

42 та магистралm, кўприк ва кўчаларни сув босган, уларни тиклаш учун вақт керак бўлади, дейилади хабарда.

Рио-Гранде-ду-Сул штати губернатори Эдуардо Лейте 3 май куни қутқарувчилар ҳамон айрим ҳудудларга етиб бора олмаётганини айтди.

“Биз жуда қийин вазиятни бошдан кечирмоқдамиз. Бу танқидий воқеа эмас, балки давлат тарихидаги энг ҳалокатли воқеа”, – деди у.

Лейтенинг айтишича, фожиа кўлами туфайли штат 180 кун давомида “табиий офат ҳолати” эълон қилган ва одамларни эвакуация қилиш учун кенг кўламли ҳаракатлар олиб борилмоқда.

Эслатиб ўтамиз, аввалроқ Бразилия жанубидаги иқлим фалокати қурбонлари сони 151 нафарга етгани ҳақида ёзган эдик.