Бразилияда кучли ёмғирлар оқибатида 143 киши ҳалок бўлди
Яна 125 киши бедарак йўқолган, дарёлар сатҳи кўтарилишда давом этмоқда. Metsul метеорология хизмати вазиятни "жуда хавотирли" деб баҳолади.
Шанба куни кечқурун ҳукумат қарийб 10,9 миллион аҳолиси бўлган штатдаги 538,000 дан ортиқ одамни уйларини тарк этишга мажбур қилган инқирозни бартараф этиш учун тахминан 12,1 миллиард реал (2,34 миллион доллар) миқдорида тўловни эълон қилди.
Ушбу янги маблағлар билан штатга аллақачон 60 миллиард реал ажратилган, деди федерал ҳукумат.
Бразилия президенти Луис Инасиу Лула да Силва вайрон бўлган ҳамма нарса тикланишини айтди.
- Биз ҳамма нарсани тиклаб бўлмаслигини тушунамиз. Оналар болаларидан, болалар эса оналаридан айрилди, - деди Луис Инасиу Лула да Силва ижтимоий тармоқдаги Оналар куни муносабати билан қилган баёнотида.
Ёмғир давом этиши кутилмоқда. Ёмғирлар бошланганидан қарийб икки ҳафта ўтиб, штат пойтахти Порту-Алегри яқинидаги Гуайба кўлида сув сатҳи рекорд даражага кўтарилиш хавфи борлиги сабабли, штат яна огоҳлантирмоқда.
Маҳаллий олимлар ёғингарчиликнинг кўпайишини иқлим ўзгариши билан боғлайди.
