Бразилия жанубида кучли ёғингарчилик туфайли ҳалок бўлганлар сони 56 нафарга етди
ASTANA. Kazinform – Бразилия жанубидаги Риу Гранде-ду-Сул штатида кучли ёмғир туфайли ҳалок бўлганлар сони 56 кишига етди, 67 киши бедарак йўқолган, 32,9 минг киши эвакуация қилинди, камида 356 минг киши электр таъминотидан узилди.
Бу ҳақда шанба куни Бразилия фуқаролик мудофааси агентлиги маълум қилди, деб ёзади Синьхуа.
Агентлик маълумотларига кўра, штатда қарийб бир ҳафтадан бери давом этаётган тинимсиз ёмғирлар шу пайтгача 281 та муниципалитетга зарар етказган, дарёлар ўз каналларидан тошиб кетган, штат пойтахти Порту-Алегри деярли бутунлай сув остида қолган.
"Бу рақамлар кескин ўзгариши мумкин", – деди штат губернатори Эдуардо Лейте.
Бразилия президенти Луис Инасиу Лула да Силва техник ва молиявий ёрдам кўрсатиш учун Порту-Алегрида фавқулодда вазиятлар бўлими очишни буюрди. Жума куни эрталаб Миллий кучларнинг 100 нафар аъзоси, элита полиция кучлари қутқарув операциясига ёрдам бериш учун жўнатилди.
Рио Гранде до Сул – Жанубий Америка умумий бозорининг қуруқликдаги транспорт йўналишларининг асосий нуқтаси ва Бразилияда гуруч, соя ва гўшт ишлаб чиқарувчилардан бири.
Аввалроқ Бразилия жанубида кучли ёғингарчилик туфайли 39 киши ҳалок бўлгани ҳақида ёзган эдик.
