Бразилия фавқулодда ҳолатни бекор қилди ва карнавалга тайёрланмоқда

RIO-DE-JANEYRO. Kazinform – Бразилия фавқулодда ҳолат ва шу билан бирга 2020 йил бошида жорий қилинган коронавирус чекловларини бекор қилмоқда. Бундай қарор эпидемиологик вазиятнинг яхшиланиши ва аҳолини эмлашнинг юқори кўрсаткичлари муносабати билан ҳукумат томонидан қабул қилинди, дея хабар беради Kazinform euronews.comга таяниб.

Бразилияда пандемия бошланганидан бери деярли 662 минг киши коронавирусдан вафот этган.

Коронавирус чекловлари бекор қилингани ҳақидаги эълон самба мухлисларини хурсанд қилди. Карнавал 2021 йилда бекор қилинган ва COVID-19 туфайли 2022 йил январига қолдирилганидан сўнг, самба мактаблари ниҳоят шу дам олиш кунлари ўзларини кўрсатишлари мумкин бўлади.

Анъанавий Бразилия карнавали икки йирик шаҳарларда Рио-де-Жанейро ва Сан-Паулуда бўлиб ўтади.