Бортида 12 киши бўлган Туркиянинг юк кемаси Қора денгизда чўкиб кетди

Якшанба куни Қора денгиз соҳилида Туркиянинг юк кемаси чўкиб кетди. Кема бортида 12 нафар экипаж аъзоси бўлган, деб хабар беради Kazinform агентлиги Синьхуага таяниб.

Кеманинг чўкиб кетгани ҳақидаги маълумотни душанба куни Туркия ички ишлар вазири Али Ерликая эълон қилди.

"Ҳокимият экипаж билан алоқа ўрнатолмади", – деди вазир шимоли-ғарбий Эрегли шаҳрида журналистларга.

Унга кўра, “Кафкаметерлер” кемаси Россиянинг Темрюк портидан Туркиянинг Алиага шаҳрига ферросицилий олиб келаётган эди. Бироқ, бўрон натижасида Эрегли портида тўлқинлардан ҳимоя қилиш учун ўрнатилган иншоотларга урилган ва чўкиб кетган.

“Якшанба куни вилоятда кучли бўрон бошланди, об-ҳавонинг ёмонлиги расмийларга қидирув ишларини олиб боришга имкон бермади”, – дея қўшимча қилди А.Ерликая.

Ички ишлар вазирлиги раҳбарининг сўзларига кўра, об-ҳаво яхшиланиши биланоқ қидирув-қутқарув ишлари бошланади.