Болтиқбўйи давлатлари ва Польша бошқа ЕИ давлатларидан визага эга бўлган россияликларнинг киришини тўхтатди
Литва Сеймининг 13 сентябрдаги қарори кучга кирди, унга кўра Украинадаги воқеалар муносабати билан фавқулодда ҳолат 15 декабргача узайтирилди ва Россия фуқароларининг мамлакатга киришлари, ҳатто уларда амалдаги Шенген визаси бўлса ҳам, мумкин эмас.
Ушбу норма Польша ва бошқа Болтиқбўйи мамлакатлари томонидан ҳам қўллаб-қувватланади. Шу билан бирга, Вильнюс мамлакатга тақиқдан ташқари рухсат этиладиган Россия фуқаролари тоифаларини ҳам номлади. Бу россиялик дипломатлар, мухолифат вакиллари, Европа Иттифоқининг бошқа мамлакатларига ташишни амалга оширувчи компаниялар ходимлари, шунингдек, аъзо мамлакатларда амалдаги яшаш рухсатномасини тақдим этиши мумкин бўлган ёки аъзо мамлакатлар фуқаролари бўлган шахсларнинг оила аъзоларига тегишли.
Литва Ички ишлар вазирлиги ҳузуридаги Давлат чегараларини қўриқлаш хизмати маълумотларига кўра, август ойида Россия Федерациясининг 83 минг фуқароси Болтиқбўйи республикаси чегарасини кесиб ўтган, жумладан, Калининград вилоятига транзит орқали ўтганлар. Жорий йил бошидан буён Литвага 395 минг россиялик келган, улардан 180 мингдан ортиғи транзит орқали ўтган. 861 киши Шенген кодекси талабларига риоя қилмагани учун Литвага киритилмаган.
Фото: таss.ru
