Болалар ҳақидаги маълумотлар ягона рақамли платформада тўпланади
ASTANА. Кazinform – ҚР Таълим-маориф вазирлигининг Болалар ҳуқуқларини ҳимоя қилиш қўмитаси 2026-2030 йилларга мўлжалланган "Қозоғистон болалари" концепцияси доирасида «Balazhan» давлат рақамли платформасини жорий этмоқда.
Платформанинг асосий мақсади — алоҳида эътиборга муҳтож болаларни эрта аниқлаш ва уларга зарур ёрдамни ўз вақтида ташкил этиш.
«Balazhan» болалар ва уларнинг оилалари ҳақида маълумот тўплаш учун янги талабларни киритмайди. Илгари ўқитувчилар қоғоз ҳужжатларда ва турли ахборот тизимларида сақлаган маълумотлар энди ягона рақамли платформада тўпланади.
Дастлабки маълумотлар платформага бир марта киритилади ва кейин фақат керак бўлганда янгиланади. Бу ҳужжатлар айланишини камайтиради, ўқитувчилар ишини соддалаштиради ва мутахассислар ўртасидаги ўзаро алоқани яхшилайди.
«Balazhan» — Миллий таълим маълумотлар базасининг модули. Болаларнинг шахсий маълумотларини ҳимоя қилиш қонунчилик талабларига мувофиқ таъминланади.
Янги тизим ёрдамга муҳтож болаларни доимий равишда қўллаб-қувватлашга ва уларга кўрсатилаётган ёрдам самарадорлигини оширишга қаратилган.
Эслатиб ўтамиз, Қозоғистонда болалар учун ижтимоий тўловлар ўзгариши мумкинми — депутат жавоб беради.
