Бокс бўйича ўтказилган халқаро турнирда Қозоғистон бешта медални қўлга киритди

Каспийск шаҳрида (Россия) Магомед-Салам Ильясович Умаханов хотирасига бағишланган 19-40 ёшли эркаклар ўртасида бокс бўйича XXII халқаро мусобақа якунланди, деб хабар беради Kazinform Sports.kzга таяниб.

Мусобақада Қозоғистон шарафини ўн нафар боксчи ҳимоя қилди, улардан беш нафари шоҳсупага кўтарилди. Тўрт нафар қозоғистонлик – Жандос Несипжан (57 кг), Еркебулан Акимбай (80 кг), Нурсултан Бейсембаев (86 кг) ва Мейрамбек Берганаев (92 кг) бронза медалини қўлга киритди.

Қозоғистонга ягона олтин медални 71 килограмм вазн тоифасидаги баҳсларда қатнашган Дархан Дусейбай келтирди. Олтин учун жангда қозоғистонлик боксчи Ўзбекистон вакили Беҳзод Ҳамидовни мағлуб этди.