Бокс бўйича Қозоғистон терма жамоаси Ереванда ўтказилган ўсмирлар ўртасидаги жаҳон чемпионатида 4-ўринни эгаллади

Саккиз йиллик танаффусдан сўнг Халқаро бокс ассоциацияси (IBA) шафелигида бокс бўйича ўсмирлар ўртасидаги жаҳон чемпионати бўлиб ўтди. Турнир 24 ноябрдан 4 декабрга қадар Еревандаги “Мика” спорт мажмуасида бўлиб ўтди, деб хабар беради Kazinform агентлиги.

51 мамлакатдан 357 нафар (244 нафар ўғил ва 113 нафар қиз) дунёнинг энг кучли ўсмирлари 26 медаллар жамланмаси учун кураш олиб боришди.

Қозоғистон терма жамоаси умумжамоа ҳисобида Россия (7 та олтин, 2 та кумуш ва 7 та бронза), Арманистон (4 та олтин, 5 та кумуш ва 1 та бронза) ва Ўзбекистон (4 та олтин, 3 та кумуш ва 4 та бронза медали) жамоаларига имкониятни бой бериб, тўртинчи ўринни эгаллади. 

Қозоғистонлик спортчилар ҳисобида 10 та медаль бор: 4 та олтин ва 6 та бронза.

Турнир якунига кўра, жами 26 мамлакат вакиллари медаллар соҳиби бўлди (медаллар рейтинги бўйича): Россия, Арманистон, Ўзбекистон, Қозоғистон, Ҳиндистон, Ирландия, Польша, Қирғизистон, Греция, Румыния, Болгария, Беларусь, Германия , Тожикистон, Албания, Грузия, Хитой Тайбэй, Испания, Венгрия, Мексика, Афғонистон, Эквадор, Иордания, Корея, Тунис ва Бельгия.

Мусобақанинг финал босқичига 15 давлат вакиллари (Албания, Арманистон, Беларусь, Болгария, Германия, Греция, Ҳиндистон, Ирландия, Қозоғистон, Қирғизистон, Польша, Россия, Румыния, Тожикистон, Ўзбекистон) етиб келди.

8 та давлат (Арманистон, Ҳиндистон, Ирландия, Қозоғистон, Қирғизистон, Польша, Россия, Ўзбекистон) спортчилари олтин медални қўлга киритди.