Бокс бўйича ЖЧ: Қозоғистонлик Алуа Балқибекова чорак финалга чиқди

ASTANА. Кazinform – Ҳиндистоннинг Нью-Деҳли шаҳрида бокс бўйича аёллар ўртасидаги жаҳон чемпионатининг навбатдаги куни бошланди, деб хабар беради Кazinform мухбири.

Бугун Қозоғистондан биринчи бўлиб ўтган йилги жаҳон чемпионати кумуш медали совриндори Алуа Балқибекова рингга кўтарилди.

Алуа 48 килограмм вазнда Россия ва Европа чемпиони Юлия Чумгалакова билан куч синашди. Дастлабки икки раундда ҳакамлар қозоғистонлик боксчини устун деб топди. Якуний ҳисоб ҳам ўзгармади - 4:1, А.Балқибекова фойдасига ҳал бўлди.

Шу тариқа, иккинчи учрашувини муваффақиятли ўтказган Алуа Балқибекова чорак финалга чиқди.

Эслатиб ўтамиз, аввалроқ Мадина Нуршаева чорак финалга чиққани ҳақида хабар берган эдик.

Бугун бокс бўйича жаҳон чемпионатида қозоғистонлик беш нафар спортчи иштирок этиши хабар қилинганди.

Фото: instagram.com/boxingkazakhstan

Муаллиф: Ғайсағали Сейтақов