БМТнинг UNRWA агентлиги фаолиятини кўриб чиқиш учун комиссия тайинланди
ASTANА. Кazinform - БМТ Бош котиби Антониу Гутерриш БМТнинг Фаластинлик қочқинларга ёрдам кўрсатиш агентлиги (UNRWA, БАПОР) фаолиятини баҳолаш бўйича мустақил комиссия тузилганини маълум қилди.
Бирлашган Миллатлар Ташкилоти Бош котибининг ижтимоий тармоқдаги саҳифасига кўра, гуруҳга Франция собиқ ташқи ишлар вазири Кэтрин Колонна бошчилик қилмоқда.
Ёрдам агентлиги Исроил ўзининг 12 нафар ходимини ХАМАСнинг 7 октябрь куни Исроилга уюштирган ҳужумларига алоқадорликда айблаганидан сўнг кескин танқидга учради.
Ўшандан бери ўндан ортиқ мамлакатлар, жумладан АҚШ, Германия, Буюк Британия ва Швеция агентликни молиялаштиришни тўхтатди.
“Мустақил комиссияга Франция собиқ ташқи ишлар вазири Кэтрин Колонна раислик қилади ва Европанинг учта тадқиқот ташкилоти билан ҳамкорлик қилади”, — дейилади БМТ баёнотида.
Мустақил баҳолашлар устида ишлайдиган Европа тадқиқот гуруҳлари: Швециядаги Рауль Валленберг институти, Норвегиядаги Хра Михельсен институти ва Дания Инсон ҳуқуқлари институти.
Текширувдан мақсад - "агентлик холисликни таъминлаш ва жиддий қонунбузарликлар ҳақидаги даъволарга жавоб бериш учун қўлидан келган барча ишни қиляптими ёки йўқлигини баҳолаш".
Комиссия март ойи охирида Гутерришга оралиқ ҳисобот ва апрель охирида якуний ҳисобот тақдим этиши керак.
