БМТ Туркиядаги зилзиладан етказилган зарарни 100 млрд доллар деб баҳолади

None
GENEVA. Kazinform – Зилзила оқибатида Туркияга етказилган зарар 100 миллиард АҚШ долларидан ошиши мумкин. Бу ҳақда сешанба куни бўлиб ўтган брифингда БМТ Тараққиёт дастурининг Туркиядаги расмий вакили Луиза Винтон маълум қилди, дея хабар беради Kazinform Россиянинг ТАСС ахборот агентлигига таяниб.

«Туркия ҳукумати томонидан тақдим этилган ва халқаро ҳамкорлар томонидан қўллаб-қувватланган ҳозиргача олиб борилган ҳисоб-китоблардан кўриниб турибдики, етказилган зарар миқдори 100 миллиард доллардан ошади», — деди Л. Винтон Газиантепдан видео ҳавола орқали.

Луиза Винтон энг кўп зарар кўрган Ҳатай провинциясидаги вазиятни юз минглаб уйлар вайрон бўлган «апокалипсис» деб таърифлади. «Еҳтиёжлар катта, аммо ресурслар кам», дея қўшимча қилди халқаро расмий.

Аввалроқ Жаҳон банки 6 февралдаги зилзила оқибатида Туркия иқтисодиётига етказилган зарарни 34,2 миллиард доллар деб баҳолаган эди. Зилзилаларнинг давом этиши туфайли йўқотишлар миқдори ортди. Табиий офатдан кейин қайта тикланиш Туркияга янада қимматга тушиши мумкин.

«Қайта тиклаш ва реконструкция қилиш харажатлари анча юқори. Нарх икки баравар ошиши мумкин. Худди шу тарзда, иқтисодий таназзуллар туфайли ялпи ички маҳсулот йўқотишлари зилзила натижасида етказилган йўқотишлар миқдорига қўшилади», – деди Жаҳон банки.

6 февраль куни Туркия жануби-шарқидаги Қаҳраманмараш провинциясида 9 соатлик интервал билан 7,7 ва 7,6 магнитудали зилзилалар содир бўлди. Зилзилалар республиканинг 10 та провинциясида ҳамда кучли жабрланган Сурия ва қўшни мамлакатларда сезилган. Душанба куни Ҳатай вилоятида 6,4 ва 5,8 магнитудали иккита янги силкиниш қайд этилди.

Эслатиб ўтамиз, Туркия президенти зилзила қурбонлари сони 46 100 нафардан ошганини маълум қилган эди.

Фото: aa.com.tr


Сўнгги хабарлар
telegram