БМТ Махсус вакили Тошкент шаҳрида

Тошкентдаги Марказий Осиё халқаро институтида Бирлашган Миллатлар Ташкилоти Бош котибининг минтақамиз бўйича махсус вакили, Марказий Осиё учун превентив дипломатия маркази раҳбари Каха Имнадзе билан учрашув бўлиб ўтди, деб хабар беради Kazinform агентлиги ЎзАга таяниб.

Суҳбат чоғида томонлар ҳамкорлиги истиқболи юзасидан атрофлича фикр алмашилди.

К.Имнадзе Ўзбекистон Президенти Шавкат Мирзиёев томонидан Марказий Осиё мамлакатлари ўртасидаги ҳар томонлама дўстона муносабатларни чуқурлаштиришга қаратилган фаол сиёсатни юқори баҳолади.

Фото: ЎзА

Учрашувда минтақадаги беш давлат ташқи ишлар вазирлари ўринбосарларининг йиллик учрашуви, минтақадаги етакчи таҳлилий марказлар экспертларининг доимий мулоқоти бўлажак олий даражадаги тадбирлар кун тартибини амалий мазмун билан тўлдиришга хизмат қилаётгани таъкидланди.

Тадбир якунида МОХИ ва марказ ўртасидаги эксперт мулоқотини янада мустаҳкамлаш, қўшма тадбирлар ўтказиш мақсадида мунтазам мулоқотни давом эттиришга келишиб олинди.