БМТ: 2024 йилда Эронда 900 дан ортиқ одам қатл қилинди
ASTANA. Kazinform – 2024 йилда Эронда 901 киши, жумладан, декабрь ойида бир ҳафта ичида 40 га яқин киши қатл этилди, деб ёзади DW.
Бу ҳақда 7 январь, сешанба куни БМТ Инсон ҳуқуқлари бўйича Олий комиссари бошқармаси хабар берди.
Аксарият ҳолларда гиёҳванд моддалар билан боғлиқ жиноятлар учун ўлим жазоси тайинланган, диссидентлар ва 2022 йилги намойишларда иштирок этганлар ҳам қатл этилган. Бундан ташқари, ўлим жазосига ҳукм қилинган аёллар сони ҳам кўпайган, дейилади баёнотда.
2023 йилда Эронда 853 киши ўлим жазосига ҳукм қилинган.
Бирлашган Миллатлар Ташкилотининг Инсон ҳуқуқлари бўйича Олий комиссари Фолькер Турк воқеалардан хавотир билдирди.
“Эронда ўлимга ҳукм қилинганлар сони йилдан йилга ортиб бораётгани жуда хавотирли, Эронда тобора ортиб бораётган "қатл" оқимини тўхтатиш вақти келди”, – деди у.
Фолькер Турк Теҳронни жазони бекор қилиш учун унга мораторий жорий этишга чақирди. Тақиқ ёки мораторий дунёнинг 170 га яқин давлатида жорий қилинган.
Эслатиб ўтамиз, Эрон президенти ҳижоб қонунига вето қўйган.
