Bloomberg: Туркия БРИКСга қўшилиш учун ариза берди
ASTANA. Kazinform - Туркия ҳукумати БРИКСга қўшилиш учун аризани бир неча ой аввал топширган, дея хабар беради Kazinform агентлиги TASSга таяниб.
Bloomberg маълумотларига кўра, шу йўл билан Туркия дунёдаги ўз таъсирини кучайтиришга ва ривожланаётган давлатлар билан алоқаларини кенгайтиришга интилади. Бундан ташқари, БРИКСга қизиқиш Европа Иттифоқига қўшилиш бўйича прогресс йўқлиги ва НАТО иттифоқчилари билан келишмовчиликлар фонида пайдо бўлди.
Bloomberg агентлигининг ёзишича, мамлакат президенти Режеп Таййип Эрдоған Ғарб геосиёсий марказ сифатидаги мавқеини йўқотмоқда ва кўп қутбли дунёнинг турли ўйинчилари билан муносабатларни ривожлантиришдан манфаатдор, деб ҳисоблайди. Агентлик маълумотларига кўра, ассоциацияни кенгайтириш масаласи 22-24 октябрь кунлари Қозон шаҳрида бўлиб ўтадиган БРИКС саммитида кўриб чиқилиши мумкин.
БРИКСга 2006 йилда Бразилия, Россия, Ҳиндистон ва Хитой томонидан асос солинган ва 2011 йилда Жанубий Африка аъзо бўлган. 2024 йилнинг 1 январида Миср, Эрон, Бирлашган Араб Амирликлари, Саудия Арабистони ва Эфиопия гуруҳнинг тўлиқ аъзоси бўлди. Бу йил ассоциацияга Россия раислик қилмоқда.
Аввал хабар қилинганидек, Туркия ташқи ишлар вазири Хоқон Фидан БРИКСга аъзо давлатлар вазирларининг Россияда бўлиб ўтадиган йиғилишида иштирок этиб, Туркиянинг НАТОга аъзо бўлиш имкониятларини муҳокама қилишни кутмоқда. Унинг қўшимча қилишича, БРИКС Туркия 1999 йилдан бери аъзоликка номзод бўлган Европа Иттифоқига “яхши муқобил” ҳисобланади. 2024 йил февралида Туркия Ташқи ишлар вазирлиги раҳбари Анқара Европа Иттифоқига қабул қилишни кутмаслигини ва бошқа “тарихий йўлларни” излашини айтди. Шу билан бирга, олти йил аввал Туркия раҳбари Режеп Таййип Эрдоған ҳам Туркиянинг БРИКСга тўлақонли аъзо бўлиш истаги ҳақида гапирган ва ҳатто уюшма номини БРИКСТга ўзгартиришни таклиф қилган эди.
