Биз сармоявий салоҳиятга эътибор қаратамиз - ҚР Туризм вазирлиги
ASTANA. Kazinform - Қозоғистон туризм индустриясининг сармоявий салоҳиятини ривожлантиришга эътибор қаратмоқда, деди ҚР Туризм ва спорт вазирлиги Туризм саноати қўмитаси раиси Нуртас Карипбаев Марказий коммуникациялар хизматида бўлиб ўтган брифингда. Бу ҳақда Kazinform агентлиги хабар беради.
Унинг фикрича, бу масала соҳа ривожи билан бевосита боғлиқ. Биргина ўтган йилнинг ўзида Қозоғистонда умумий қиймати 57 миллиард тенге бўлган 117 та янги туристик объектлар очилди. Амалга ошириш босқичида умумий қиймати 430 миллиард тенге бўлган 300 га яқин инвестиция лойиҳаси мавжуд. Улар тўлиқ амалга оширилса, вазирлик томонидан 7,6 мингдан ортиқ иш ўрни яратиш режалаштирилган.
– Жорий йил бошида устувор ҳудудлар рўйхати ТОП-20 тагача кенгайтирилди. Шундай қилиб, барча ҳудудларда энг истиқболли ўсиш нуқталари аниқланди. Ҳар бир йўналишда устувор туристик ҳудудлар яратиш режалаштирилган, — деди Нуртас Карипбаев.
Унинг қўшимча қилишича, жорий йил охиригача умумий қиймати 246 миллиард тенге бўлган 148 та лойиҳани якунлаш режалаштирилган.
Маърузачининг сўзларига кўра, бунга соҳани давлат томонидан қўллаб-қувватлаш чора-тадбирлари кўмаклашди. Нуртас Карипбаев вазирлик ишбилармонларга “кўпроқ эркин нафас олиш” имконини берувчи ташаббуслар устида иш олиб бораётганини таъкидлади. Ушбу ғоялардан бири халқаро франшизага эга меҳмонхоналарни имтиёзли кредитлаш муддатини 7 йилдан 10 йилгача қисқартиришдир.
– Яна бир ташаббус – фермерларга ўз томорқаларида агротуризм билан шуғулланиш имконини бериш. Бу 10 мингдан ортиқ қишлоқ аҳолиси учун қўшимча иш ўрни яратиш имконини беради, – дейди Нуртас Карипбаев.
