Биз барча қозоғистонликлар Украинадан эвакуация қилинмагунча репатриация парвозларини амалга оширамиз - Питер Фостер

None
None
ALMATY. Кazinform – Аir Astana президенти қозоғистонликларнинг Украинадан эвакуация қилиниши ҳақида маълум қилди, дея хабар беради Кazinform мухбири.

«Мамлакатга қайтганимиздан жуда хурсандмиз. Бизни кутиб олишга келганингиз учун ташаккур. Биз Украинадан эвакуация қилинган 175 нафар йўловчи, жумладан битта мушук ва битта ит билан етиб келдик», — деди спикер.

Шунингдек, келгусида зарурат туғилганда репатриация рейслари ташкил этилишини таъкидлади.

«Бугун тушда иккинчи рейс чегарада навбатда турган йўловчиларни қабул қилиш учун жўнайди. Биз ҳамма у ердан олиб кетилмагунча репатриация парвозларини амалга оширамиз «, - деди у.

Питер Фостер йиғилганларга ғарбда чегарадан ўтиш жуда қийинлигини айтди.

«Чегара ва Катовице аэропортида парвозларга хизмат кўрсатиш ва йўловчиларни йиғиш тизими соддалаштирилди. Шу боис, ишимиз ижобий давом этади деган умиддамиз», - деди Фостер.

Унинг сўзларига кўра, зарур бўлса, авиакомпания 3-4-5- рейсларни ташкил этишга тайёр.

«Биринчи навбатда, биз бу рейсларни Қозоғистон фуқаролари учун амалга оширамиз. Элчихона маълумотларига кўра, Украинада 2000 га яқин қозоғистонлик рўйхатга олинган, бироқ уларнинг қанчаси Украинани тарк этишни хоҳлаётгани аниқ эмас. Одамларнинг чегарани қанчалик тез кесиб ўтишини ҳисобга олиш ҳам муҳимдир. Кейин навбат жуда секин ҳаракатланади», - деди авиакомпания президенти.

Эслатиб ўтамиз, 28 январ куни соат 22.35да 175 нафар қозоғистонлик бўлган Аir Astana авиакомпаниясининг самолёти Алмати аэропортига қўнган, улардан олти нафари болалардир.

Муаллиф: Алма Муқанова

Сўнгги хабарлар
telegram