Бишкекдаги ётоқхонада хорижликларга нисбатан талончилик содир этганликда гумон қилинган уч шахс қўлга олинди

ASTANA. Kazinform - Бишкекдаги ётоқхоналардан бирида чет эл фуқароларига нисбатан талончиликда гумон қилинган уч йигит қўлга олинди, дея хабар беради Кazinform агентлиги Kabarга таяниб.

Қирғизистон Республикаси ИИВ матбуот хизмати хабарига кўра, улар: 2006 йилда туғилган М.Н., 2005 йилда туғилган Ш.Т. ва 2005 йилда туғилган Н.Б.

— Учала гумонланувчи қўлга олиниб, вақтинчалик сақлаш изоляторига жойлаштирилди. Жиноят иши бўйича тергов давом этмоқда, - дейилади вазирлик хабарида.

Эслатиб ўтамиз, 13 майга ўтар кечаси, соат иккилар атрофида “Восток-5” микрорайонида бир гуруҳ йигитлар чет эллик талабалар билан учрашиб, улардан сигарет сўраган, сўнг уларнинг айбини излаб, нега бу ерда чекаётганини сўраган.Кейин калтаклаган.

Хорижлик талабалар қочиб кета бошлаган ва яшаб турган А.Огонбоев кўчасидаги ётоқхонага етиб олишга муваффақ бўлган.

Чет эллик талабаларни қувган бир гуруҳ номаълум йигитлар уларнинг орқасидан ётоқхонага кириб кетишди. У ерда яшовчи хориж фуқароларига нисбатан куч ишлатиб, очиқчасига пул ва ашёларни эгаллаб олган. Талабаларга куч ишлатишгач, улар жойдан қочиб кетишган.

Мазкур ҳолат юзасидан Бишкек шаҳри Свердловск тумани ИИБ томонидан Қирғизистон Республикаси Жиноят кодексининг 207-моддаси (талончилик) билан жиноят иши қўзғатилган.

18 май куни Бишкекда хорижликлар иштирокида оммавий муштлашув бўлиб ўтди, у 13 май куни ётоқхона меҳмонлари ўртасидаги муштлашув билан бошланди.

Қирғизистон Миллий хавфсизлик давлат қўмитаси раиси Қамчибек Ташиев Бишкекдаги тунги воқеага изоҳ берди. Ҳодиса оқибатида 29 киши тиббий ёрдамга мурожаат қилган, шундан 15 нафари пойтахтдаги тиббиёт муассасаларига етказилган.

Эслатиб ўтамиз, врқеа бўйича Қирғизистон президенти қирғизистонликларга мурожаат йўллади.