Бир йил давомида дунё аҳолиси 66 миллион кишига ўсди

Германиянинг Ер аҳолиси бўйича жамғармаси (DSW) маълум қилишича, 2023 йил давомида дунё аҳолиси деярли 66 миллион кишига ўсган ва ҳозир Ерда 8 миллиарддан ортиқ киши истиқомат қилмоқда, деб хабар беради Kazinform агентлиги ЎзАга таяниб.

Гарчи дунё аҳолиси 2023 йил охирига келиб ўсиш суръати бўйича юқори даражага етган бўлсада, умуман олганда бу ҳолат секинлашишда давом этмоқда. Дунё аҳолиси 1965-1970 йиллар орасида энг тез ўсди. БМТ маълумотларига кўра, ўшандан бери нисбий ўсиш суръати деярли икки баравар камайиб кетган.

Албатта, бу тенденциялар барча минтақаларда бир хил эмас. Германиянинг Ер аҳолиси бўйича жамғармаси (DSW) маълумотларига кўра, Африкада 2080 йилга келиб 2,5 миллиард одам яшайди, бу ҳозиргидан икки баравар кўп деганидир.