“Бир макон, бир йўл” бизнес-форуми якунлари бўйича 97,2 млрд долларлик шартномалар имзоланди

“Бир макон, бир йўл” форумида ўтказилган бизнес конференция иштирокчилари умумий қиймати 97,2 миллиард долларлик ҳамкорлик шартномаларини имзоладилар. Бу ҳақда Пекинда “Бир макон, бир йўл” учинчи юқори даражадаги форуми очилишида ХХР раиси Си Цзиньпин айтиб ўтди, деб хабар беради Kazinform мухбири.

“Ушбу форум доирасида бўлиб ўтган бош директорлар конференциясида 97,2 миллиард долларлик ҳамкорлик шартномалари тузилди”, - деди Си Цзиньпин.

Унинг сўзларига кўра, Хитой «яшил» инфратузилма, «яшил» энергия ва «яшил» транспорт каби соҳаларда ҳамкорликни чуқурлаштиришда давом этади ва “Бир макон, бир йўл” ташаббуси доирасида Халқаро «яшил» тараққиёт иттифоқини қўллаб-қувватлашни кучайтиради.

17 ва 18 октябрда Пекинда “Бир макон, бир йўл” учинчи форуми бўлиб ўтмоқда ва унда 140 дан ортиқ давлатдан 4 мингдан ортиқ делегатлар иштирок этмоқда. “Бир макон, бир йўл” форуми доирасида 150 дан ортиқ давлат ва 30 дан ортиқ халқаро ташкилотлар ҳамкорликка оид ҳужжатларни имзолади.

Муаллиф: Руслан Сулейменов