Берлинда Қозоғистон-Германия ишчи гуруҳининг биринчи йиғилиши бўлиб ўтди

Берлинда Қозоғистон-Германия ишчи гуруҳининг биринчи йиғилиши бўлиб ўтди
Фото: “Байтерек” МБХ” АЖ

Берлинда Қозоғистон-Германия ишчи гуруҳининг лойиҳаларни молиялаштириш бўйича биринчи йиғилиши бўлиб ўтди, деб хабар беради Kazinform.

Йиғилишда Германия Шарқий иқтисодий қўмитаси президиуми аъзоси ва Марказий Осиё мамлакатлари раҳбари, шунингдек, GP Günter Papenburg AG кузатув кенгаши аъзоси, профессор Манфред Грундке, "Байтерек" миллий бошқарув холдинги Бошқарма раисининг ўринбосари Адил Муҳамеджанов ва Қозоғистон компаниялари ва немис бизнесининг бошқа вакиллари иштирок этди.

Учрашув давомида “Қозоғистон тараққиёт банки” АЖ Landesbank Hessen-Thüringen (Helaba) банки билан 100 миллион еврогача бўлган молиявий ҳамкорлик тўғрисида шартнома имзолади. Бу Ишчи гуруҳ фаолиятига туртки бўлди.

 

«Бәйтерек» холдингі неміс бизнесімен ынтымақтастықты дамытуды жалғастыруда

 

“Байтерек” МБХ АЖ Бошқарма раиси ўринбосари Адил Муҳамеджановнинг таъкидлашича, ишчи гуруҳ Қозоғистонда ҳам, Германияда ҳам бизнеснинг рақобатбардошлигини оширишнинг асосий механизми бўлиб хизмат қилади.

“Бугун биз ҳамкорликни мустаҳкамлаш, узоқ муддатли ва ўзаро манфаатли ишбилармонлик алоқаларга замин яратиш учун ноёб имкониятга эгамиз. Ишчи гуруҳ яқин савдо алоқалари ва тижорий алоқаларни ривожлантириш, ўзаро савдо ва сармояни рағбатлантириш учун мустаҳкам замин яратмоқда”, – деди А.Муҳамеджанов.

Айни пайтда ишчи гуруҳ Қозоғистоннинг 30 дан ортиқ қўшма сармоявий лойиҳаларини кўриб чиқмоқда. KAZAKH INVEST, Қозоғистон тараққиёт банки, Аграр кредит корпорацияси ва “Астана” халқаро молия маркази лойиҳалари шулар жумласидандир.

 

«Бәйтерек» холдингі неміс бизнесімен ынтымақтастықты дамытуды жалғастыруда

 

Эслатиб ўтамиз, жорий йил 20 июнда ГФР Федерал президенти Ф-В. Штайнмайер давлат ташрифи билан Қозоғистонга келди. Ўшанда Астана шаҳрида Қозоғистон-Германия савдо-инвестиция форуми ўтказиладиган майдонда “Байтерек” МБХ” АЖ ва Германия иқтисодиётининг Шарқий қўмитаси ўртасида қўшма лойиҳаларни молиялаштириш бўйича ишчи гуруҳ тузиш бўйича меморандум имзоланган эди.

Сўнгги хабарлар