Бельгиянинг иккита университети Европадаги энг яхши 50 та университет қаторига кирди

BRUSSELS. Kazinform - Левен католик университети (KU Leuven) ва Гент университети(Ghent University) дунёнинг энг яхши университетлари рейтингида ўрин олган, деб хабар беради Кazinform мухбири.

Левен университети 27-ўринга тушиб кетди, Гент университети эса 47-ўринга кўтарилди. Рейтингда биринчи ўринни Швейцариянинг «ETH Zurich» университети эгаллади.

«QS World University Rankings: Europe 2025» 2004 йилдан бери нашр этилади.

Баҳолаш академик обрў, иш берувчининг обрўси, кафедралардаги талабалар сони, халқаро талабалар ва халқаро тадқиқотлар каби тўққиз параметрга асосланади.

Ўтган йилдан бошлаб фақат Европа университетларини ўз ичига олган рейтинг ҳам тузила бошланди.

Иккинчи ўринни Лондон Империал коллежи (Imperial College London) эгаллади. Ўтган йилги рейтингда биринчи ўринни эгаллаган Оксфорд университети учинчи ўринга тушиб кетди.

Европанинг юқори рейтингига Бельгиядаги бошқа университетлар ҳам киради: Лувен-ла-Нев (UCLouvain) католик университети (75), француз тилли Брюссел эркин университети (ULB) (94), Антверпен (UAntwerp)университети( 109), Фламанд эркин Брюссель университети (VUB) (114), Лиеж университети (165), Хасселт (UHasselt)университети (249), Намюр университети (365), Монс университети (368) ва Брюсселдаги Сен-Луи университети(601).

Рейтингда жами 42 давлатдан 685 та университет ўрин олган. Буюк Британия энг яхши 103 та университет билан пешқадамлик қилмоқда, ундан кейин Туркия (72) ва Германия (53).

Муаллиф: Арнур Раҳимбеков