Беларусь-Польша чегарасидаги вазият: Қочқинлар гуруҳларга бўлинди
Эслатиб ўтамиз, уларга Беларусь Президенти Aлександр Лукашенко буйруғи билан ташкил этилган вақтинчалик сақлаш бекатига кўчириш таклифи бир неча бор бўлган. Транспорт-логистика марказида улар барча зарур нарсалар билан таъминланган. Қочқинлар иссиқ кийим ва овқат билан таъминланди. Уларга нафақат мутасадди идоралар, балки жамоат ташкилотлари ҳам ёрдам беради, кечаю кундуз шифокорлар назорат қилади.
Беларусь чегарада қолиб кетганларга ёрдам бериш учун барча имкониятларни ишга солаётганини айтади.
Еuronews хабарига кўра, минглаб мигранитларнинг Беларусь-Польша чегарасида тўпланиши Беларусьнинг бошқа қўшниларига сигнал бўлган. Латвия шарқий чегарасини мустаҳкамламоқда: Ҳукумат 37 километрлик вақтинчалик панжара қурилишини молияламоқда. Девор ҳамма жойда ўрнатилмаслиги мумкин, чунки чегарада дарёлар ва лойқа жойлар мавжуд. Рига келаси йилнинг февралигача чегара ҳудудида фавқулодда ҳолат жорий этишга расман рухсат берди.
«Биз курд, араб, инглиз ва рус тилларида овоз кучайтиргичларни Латвия ҳудудига ноқонуний кириб келганлар жавобгарликка тортилишидан огоҳлантирамиз», - деди латвиялик чегарачи генерал-лейтенант Юрис Кусиньш. Aксарият ҳолларда бу одамларнинг орқага қайтиши учун кифоя қилади.
Беларусьнинг яна бир қўшниси Литва мигрантларни итлар ёрдамида чиқариб юборишни рад этди. Видеони Беларусь Давлат чегара қўмитаси эълон қилди. Литва томонига кўра, бу ёлғон маълумот.
