Беларусь CОVID-19 га қарши вакцина ишлаб чиқармоқчи
Беларусь раҳбари матбуот хизмати инвестиция лойиҳаси Витебск вилояти Должа қишлоғида (мавжуд ишлаб чиқаришни реконструкция қилган ҳолда) вакцина ишлаб чиқарувчи завод қуришни назарда тутганини маълум қилди. «БелВитунифарм» ОAЖ ишлаб чиқариш базаси инфратузилманинг тайёрлик даражаси, ўқитилган мутахассисларнинг мавжудлиги, шунингдек, биотехнологик кластерни янада ривожлантириш имкониятларидан келиб чиққан ҳолда Ҳукумат томонидан енг истиқболли майдон сифатида белгиланди.
Маҳаллий вакцинани ишлаб чиқиш Соғлиқни сақлаш вазирлиги ва Миллий фанлар академиясига бўйсунувчи ташкилотлар томонидан амалга оширилади. Ҳозирда бир қатор прототип вакциналар тайёрланди.
Фармонда инвестиция лойиҳасини амалга ошириш учун мамлакатга олиб кириладиган технологик асбоб-ускуналар, хомашё ва материаллар импорт божлари ва қўшилган қиймат солиғидан озод этилиши кўзда тутилган.
