Бельгиянинг Гент портида кучли ёнғин содир бўлди
Newsblood газетасининг ёзишича, эрталаб соат 7:00 да ўт ўчириш бўлимига Дестелдонк посёлкасидаги чиқиндини қайта ишлаш заводи ўрнида ёнғин чиққани ҳақида хабар келиб тушган.
Ўт ўчирувчилар ёнғинни назорат остига олишга муваффақ бўлишди, дея хабар беради ҳудуд ёнғин хавфсизлиги бошқармаси матбуот котиби Аноук Вейт.
«Ёнғин бошланганда Гент порти устида қора тутун устуни кўринди. Аҳолиси тутундан баъзи ноқулайликларни бошдан кечириши мумкин. Шу сабабли, биз дарҳол ижтимоий тармоқлар орқали дераза ва эшикларни ёпишга, тутун ёки ёқимсиз ҳид пайдо бўлганда уй ёки машинада вентиляцияни ўчиришга чақирдик», - дея тушунтиради Вейт.
Бу мурожаат асосан Синт-Круйс-Винкел, Дестелдонк, Зелзат ва Вахтебек аҳолисига тегишли.
Ҳозирда ўт ўчириш бригадаси воқеа жойида ишламоқда.
«Ёнғин назорат остида бўлиши мумкин, аммо одамларимиз ҳали ҳам уни ўчириш устида ишламоқда», - деб қўшимча қилди Аноук Вейт. -Кичик ёнғинлар ҳали ҳам чиқиндилар массасида ёнмоқда ва биз биринчи навбатда уларни назоратга олишимиз керак».
Муаллиф: Арнур Рахимбеков
