Бельгия ва Швейцария санитария чекловларини босқичма-босқич бекор қилмоқда

NUR-SULTAN. Kazinform – Бельгия карантин чекловларини босқичма-босқич бекор қилишни бошлайди. Бу ҳақда пандемия қўмитасининг 7 соатлик йиғилишидан сўнг Бош вазир Александр де Кроо маълум қилди. Аввало, расмийлар Европа Иттифоқи ҳудудида саёҳат қилиш учун чегараларни очиб беришга ваъда беришмоқда, деб хабар беради Kazinform Euronewsга асосланиб.

«Якшанба оқшомидан бошлаб, ихтиёрий саёҳат қилиш тўғрисидаги тақиқ бекор қилинади. Ушбу тақиқ ўрнига, коронавирусга қарши тестларнинг мавжудлиги ва келишилган асосда карантин талабларига риоя қилинишини жуда қаттиқ назоратга киритади», - деди Бельгия Бош вазири Александр Де Кроо.

Апрель ойининг охиридан Бельгия ҳукумати сартарошхоналар, гўзаллик салонлари ва дўконлари фаолиятига чекловларни олиб ташламоқчи ва 8 майдан кафе ва ресторанларнинг очилиши кутилмоқда.

Швейцария ҳукумати, шунингдек, санитария чекловларини бекор қилишнинг янги босқичини эълон қилди. Кейинги ҳафтадан бошлаб конфедерация оммавий тадбирларни ўтказиши ва стадионлар, кинотеатрлар ва театрларда томошабинларни йиғиши мумкин. Бундан ташқари, ресторанлар кўча терасларини очишлари мумкин.

Швейцария ҳукумати ўз баёнотида мамлакатда эпидемиологик вазият қийинлигича қолаётгани, шунинг учун карантин чоралари масаласи COVID-19ни даволайдиган шифохоналарнинг иш юкини ҳисобга олган ҳолда қайта кўриб чиқилиши мумкинлигини айтди.