«Бауырына салу» фильми Қозоғистон номидан “Оскар” мукофотига номзод бўлди
ASTANA. Kazinform – Режиссёр Асхат Кучинчирековнинг «Бауырына салу» фильми ҚР Маданият ва ахборот вазирлиги ҳамда Кинематографияни қўллаб-қувватлаш миллий маркази кўмагида суратга олинди. Фильм яқинда «Тұлпар» миллий мукофотини қўлга киритди ва Қозоғистон номидан International Feature Film номинациясида “Оскар” қўмитасига номзод қилиб кўрсатилмоқда.
Америка академияси томонидан овоз бериш уч босқичда бўлиб ўтади.
9-13 декабрь кунлари академиклар 17 декабрда эълон қилинадиган қисқа рўйхатни тайёрлайдилар. Овоз бериш 2025 йил 8-12 январь кунлари ўтказилади.
Унинг натижаларига кўра, барча номинациялар бўйича номзодлар 17 январь куни эълон қилинади. Учинчи ва якуний босқич 11-18 февраль кунлари бўлиб ўтади.
Ғолиблар 2025 йил 2 март куни Лос-Анжелесда конвертнинг очилиш маросимида эълон қилинади.
Агар фильм номинация қилинса, режиссёр таклифнома олади.
«International Feature Film» тоифасидаги ҳайкалчада мамлакат ва фильм номи ҳамда режиссёрнинг исми кўрсатилади.
Режиссор Асхат Кучинчиреков ижоди ҳамон халқаро майдондаги турли кинофестивалларда совриндор бўлиб келмоқда.
Таъкидлаш жоизки, у Сан-Себастьян кинофестивалида премераси бўлиб, Қозоғистондаги энг яхши дебют учун "Танқидчилар танлови" мукофотини, Asia Pacific Screen Awards (APSA) нинг энг яхши ёшлар фильми мукофотини, 22-халқаро фильм «Дух огня» фестивалининг бош мукофотини қўлга киритди ва бошқа бир қатор мукофотлар бор.
Яқинда фильмнинг оператори Жанарбек Елеубек ХХ “Олтин минбар” Қозон халқаро кинофестивалида “Бадиий фильмдаги энг яхши операторлик иши” номинациясида ғолиб бўлган эди.
«Бауырына салу» фильми бувиси қўлида улғайган ўсмир ҳақида ҳикоя қилади.
Бувиси вафотидан кейин у ота-онасига қайтишга ва ўзи бегона деб билган одамлар билан янги муҳитда муносабатлар ўрнатишга мажбур бўлади.
