Барселона аэропортида сайёҳларнинг 8 миллион евросини ўмариб кетди

MADRID. Kazinform - Каталония минтақавий полициясидан (Mossos d'Esquadra) Барселона аэропортида россиялик сайёҳларнинг 8 миллион евро (8,75 миллион доллар) ўғирлангани ва икки эркакнинг ҳибсга олингани ҳақидаги хабари келиб тушган. Полиция ўғирлик чоршанба куни кечқурун содир бўлганини тасдиқлади, дея хабар беради Kazinform Xinhua агентлигига таяниб.

Россиялик сайёҳлар ўғирлик вақтида Барселонадаги Эль-Прат аэропортининг 1-терминалидаги рўйхатдан ўтиш жойида бўлган.

Полиция маълумотларига кўра, гумонланувчилар ўзлари билан заргарлик буюмлари ва қимматбаҳо соатлар бўлган машҳур Louis Vuitton брендининг қўл сумкасини олиб қочган. Бу ўғирлик Испаниядаги энг йирик ўғирлик. Сумка ичида қиймати 5 миллион доллардан ортиқ бўлган 47 каратли тилла узук ва нақд 20 минг евро бўлган.

Йўқотишни аниқлаган сайёҳлар дарҳол полицияга мурожаат қилган.

Видеокузатув камераларидаги ёзувлар полицияга ўғирликда гумон қилинаётган шахсларни, уларнинг машинасининг маркаси ва рақамини аниқлашга ҳамда ҳужум қилганларни зудлик билан қўлга олишга ёрдам берди. Бир неча соат ичида сумка ва унинг таркиби эгаларига қайтарилган.