«Барс»нинг Қитъа хоккей лигасидаги илк ўйинини қайси телеканалда кўриш мумкин

NUR-SULTAN. Кazinform – Нур-Султан шаҳри «Барс» жамоасининг Қитъа хоккей лигасидаги илк ўйини қайси телеканалда кўрсатилиши маълум бўлди, деб хабар беради Кazinform мухбири.

Пойтахт жамоаси эртага, 3 сентябр куни Беларусда «Динамо» (Минск) клубига қарши Қитъа хоккей лигасидаги илк ўйинини ўтказади.

Ушбу ўйин Москва вақти билан соат 19:20да бошланади ва «Qazsport» телеканали орқали жонли эфирда намойиш этилади.

Шундан сўнг «Барс» кетма-кет учта ўйин ўтказади. Аввалига 5 сентябрда СКА (Санкт-Петербург), кейинги, 7 сентябр куни «Витяз» (Подольск), 9 сентябр куни эса «Сочи» билан куч синашади.

13 сентябр куни эса пойтахт жамоаси «Трактор» (Челябинск) жамоасини қабул қилади.

Эслатиб ўтамиз, аввалроқ «Барс» хоккей бўйича Қозоғистон Президенти кубогини қўлга киритган эди.

Муаллиф: Адилжан Умбет