Бангкокдаги машҳур бозорда юз берган ёнғинда 1000 га яқин ҳайвон нобуд бўлди

Бангкокдаги машҳур бозорда юз берган ёнғинда 1000 га яқин ҳайвон нобуд бўлди
Фото: bbc.com

ASTANA. Kazinform - Сешанба куни Бангкокдаги энг йирик очиқ бозор бўлган Чатучакда юз берган ёнғинда 1000 га яқин ҳайвон нобуд бўлди ва 100 га яқин дўкон ёниб кетди. У ерда  қушлар, итлар, мушуклар ва илонлар, каламушлар, питонлар ва гекконлар тириклайин ёниб кетган, дея хабар беради Кazinform агентлиги BBCга таяниб.

Расмийларга кўра, ёнғин қисқа туташув туфайли бошланган. Одамлар орасида қурбонлар йўқ.

Чатучак - ўн минглаб дўконларга эга Жануби-Шарқий Осиёдаги энг йирик бозорлардан бири. Бу Таиланд бозорларининг энг йирик ва энг машҳури бўлиб, ҳар шанба ва якшанба кунлари деярли 200 000 сайёҳни жалб қилади.

Уй ҳайвонлари сотиладиган бозор майдони бутун ҳафта очиқ. У Чатучак бозорининг 27 та участкасининг тахминан тўрт қисмини эгаллайди ва мунтазам текширувлардан ўтади.

Дастлабки маълумотларга кўра, ёнғин чорва ҳайвонлари зонасидаги 118 та дўконнинг кўп қисмига зарар етказган, тахминан 1400 квадрат метр майдонни эгаллаган.

Мича исмли дўкон эгаси Thaiger интернет нашрига ҳайвонларнинг қичқирган овозидан уйғонганини айтди.

"Тўсатдан ҳаво қуюқ тутунга тўлиб кетди, нафас олишнинг иложи бўлмади", - деди деразадан ташқарига чиққан Мича.

Айрим дўкон эгалари аслида бозорда истиқомат қилишади, бироқ ёнғин содир бўлган пайтда у ерда қанча одам бўлгани номаълум.

Маълумотларга кўра, ёнғин сешанба куни маҳаллий вақт билан соат 04:10 атрофида бошланган ва 30 дақиқа ичида ўчирилган.

Сўнгги хабарлар