Балқаш кўлига 13,5 миллиард куб метр сув жўнатилди
ASTANA. Kazinform - Йил бошидан буён Балқашга 13,5 куб километр сув жўнатилди, деб хабар беради ҚР Сув ресурслари ва ирригация вазирлиги матбуот хизмати.
Йил бошидан буён Балқаш кўлига Иле дарёси орқали Қапшағай сув омборидан 13,5 куб километр сув юборилди. Натижада, кўлнинг ўртача сув сатҳи Болтиқбўйи тизими билан 341,60 м га этди. Балқаш кўли сувининг 70% ни трансчегаравий Иле дарёси ташкил қилади. Жорий йилда Хитой билан чегарага яқин жойлашган Добин гидробъекетида ўртача сув оқими секундига 384 куб метрни ташкил қилди. Бу ўтган йилга нисбатан 17 фоизга кўпдир.
Эслатиб ўтамиз, Сув ресурслари ва ирригация вазирлиги Қозоғистон ва Хитой ўртасидаги трансчегаравий дарёларни сув тақсимлаш масаласи бўйича ҳукуматлараро келишув лойиҳасини ишлаб чиқмоқда.
Шартноманинг асосий мақсади Балқаш кўлининг нормаль даражада сақланишини кафолатлайдиган сув оқимини таъминлашдан иборат.
“Йил бошидан буён Хитой, Россия ва Марказий Осиё давлатлари билан трансчегаравий дарёлар бўйича 28 та учрашув ўтказдик. Музокаралар натижасида жорий йилда Қапшағай сув омборига сўнгги 10 йилда биринчи марта 18 миллиард куб метрдан ортиқ сув тўпланиб, 100 фоизга тўлган”, — деди Сув ресурслари ва ирригация вазири Нуржан Нуржигитов.
