Бадиий гимнастикачи Элжана Таниева спортдаги фаолиятини якунлади

ASTANА. Кazinform – Осиёнинг энг кучли гимнастикачиларидан бири Элжана Таниева спортдаги фаолиятини якунлади.

Таниева
Фото: kazgymfederation

Бу ҳақда Э.Таниева Instagramдаги саҳифасида маълум қилди.

У спорт залига илк бор тўрт ёшида борганини, гимнастика ҳаётининг ажралмас қисмига айланганини айтди. Бахтли дамлар ҳам, тўсиқлар ҳам бўлганини айтган спортчи мураббийларига ўз миннатдорчилигини билдирди. Хусусан, Алия Юсупова иккинчи онасига айланганини таъкидлади.

Қозоғистон гимнастика федерацияси маълумотларига кўра, Элжана ҳисобида Осиё чемпионатининг учта олтин медали, Осиё ўйинларининг иккита кумуш медали, Марбельядаги Гран-при мусобақасининг олтин медали ва Жаҳон кубоги медаллари бор. Париждаги Олимпия ўйинларида ҳам қатнашган.

Эслатиб ўтамиз, аввалроқ Элжана Таниева Миландаги Жаҳон кубогида кучли бешликка киргани ҳақида ёзган эдик.

Сўнгги хабарлар