Айни пайтда Қозоғистон сиёсий тизимида трансформация юз бермоқда - сенатор

NUR-SULTAN. Kazinform – Қозоғистонда ҳукмрон партиянинг нафақат номи ўзгарди, балки, унинг мазмун-моҳияти, партиявий иш мазмуни ҳам ўзгаради. Қозоғистон Республикаси парламенти Сенати депутати Ақилбек Куришбоев шундай фикрда, деб хабар беради Kazinform мухбири.

«АМАНАТ партиясининг нафақат номи ўзгарди, асосийси унинг мазмун-моҳияти, партиявий ишнинг мазмуни ўзгаради. Акс ҳолда, бу шунчаки мумкин эмас. Барчамиз тушунишимиз керакки, тизимда сиёсий ўзгаришлар рўй бермоқда, олигархлар иқтисодиёти таназзулга юз тутмоқда, энг муҳими, халқ ҳақиқатан ҳам давлат ҳокимияти манбаи бўладиган адолатли демократик жамият қуришга киришмоқда», - деди Ақилбек Куришбаев.

Сенатор, шунингдек, партия номининг ўзи нафақат аждодлар қолдирган бебаҳо меросни асраб-авайлаш ва рўёбга чиқариш, балки жамиятнинг орзу-умидларини оқлашни ҳам англатишини таъкидлади.

«Бу шароитда ҳукмрон партия қандай ўзгармасин?! Унинг номи – «АМАНАТ» (омонат) нафақат аждодлардан қолган бебаҳо меросни асраб-авайлаш ва ҳаётга татбиқ этиш, балки жамиятнинг орзу-умидларини оқлаш, энг аввало, янгиланган партия ўз ишончини қайтариши зарурлигини англатади. Бугун Давлат раҳбари Қасим-Жомарт Тоқаев айтганидек: «Партияни ребрендинг қилиш нафақат унинг номини ўзгартириш, балки кўрсатгични ўзгартириш ҳам эмас. Аввало, барча партиявий ишларни қайта қуриш зарур», — дея қўшимча қилди сенатор.

Муаллиф: Арайлим Мурат