Австрия ва Словакияда аномал иссиқ рекорди қайд этилди
ASTANА. Кazinform – Марказий Европани қамраб олган иссиқлик тўлқини Австрия ва Словакияда янги рекордларни ўрнатди, ҳарорат Цельсий бўйича 41 даражадан ошди, деб хабар беради Deutsche Welle.
Австриянинг миллий метеорология хизмати – GeoSphere Austria маълумотларига кўра, Қуйи Австрия федерал штатидаги Бад-Дойч-Альтенбур шаҳрида кундузги ҳарорат 41,2°С га етди. Метеорологлар буни "ҳаддан ташқари иссиқлик стресси" деб таърифладилар ва хавф айниқса аҳолининг заиф гуруҳлари учун юқори эканлиги ҳақида огоҳлантирдилар.
4 август куни Австрия пойтахти Вена шаҳрида ҳам рекорд даражадаги иссиқлик қайд этилиб, у ерда ҳарорат 41°С га кўтарилган эди.
Қўшни Словакияда Венгрия билан чегарадош Каменица-над-Гроном шаҳарчасидаги термометр 41,4°С ни кўрсатди. Бу мамлакатдаги энг юқори ҳароратлардан биридир.
Ҳаддан ташқари иссиқлик ҳудуд инфратузилмасига ҳам таъсир қила бошлади. Дарё сув сатҳининг пасайиши навигацияни қийинлаштирди ва сув ва электр таъминоти тизимларига таҳдид кучайди. Баъзи энергетика иншоотлари электр энергияси ишлаб чиқаришни камайтирди ва бир қатор аҳоли пунктларида ичимлик суви танқислиги кузатилмоқда.
Мутахассисларнинг таъкидлашича, юқори ҳарорат яқин кунларда ҳам сақланиб қолади. Шу муносабат билан, аҳолига куннинг энг иссиқ вақтида ташқарига чиқмаслик, кўпроқ суюқлик ичиш ва соғлиғига эҳтиёт бўлиш тавсия этилади.
Эслатиб ўтамиз, Европада аномал иссиқдан 12 000 дан ортиқ одам вафот этди.
