Австралияда автобус аварияга учради: 10 киши ҳалок бўлди, жабрланганлар бор

ASTANA. Kazinform - Австралия минтақаларидан бирида автобус иштирокидаги ЙТҲ оқибатида 10 киши ҳалок бўлди, 20 дан ортиқ киши касалхонага етказилган, дея хабар беради Kazinform BBC Newsга таяниб.

Автобус йўловчилари якшанба куни кечқурун тўйдан қайтаётганларида, уларнинг автобуси Янги Жанубий Уэлснинг Хантер-Вэлли ҳудудидаги Грета шаҳри яқинидаги Уайн-Каунти-Драйвда ағдарилиб кетган.

Полиция ҳалокат сабабларини ўрганаётганини айтди.

Автобус ҳайдовчиси 58 ёшли эркак хибсга олинди.

Ҳодиса маҳаллий вақт билан 23:30 атрофида содир бўлган - автобус катта йўлдан айланма йўлда бурилиш пайтида ағдарилиб кетган.

Маҳаллий полиция вакилининг сўзларига кўра, қурбонлар сони ортиши мумкин. 25 нафар йўловчи касалхонага етказилган, улардан икки нафари воқеа содир бўлганидан кейин вертолётда олиб кетилган.

Полиция, шунингдек, ҳалокат вақтида ҳудудда қалин туман бўлганини қайд этди.

Полиция ҳалокат қурбонларининг шахсини аниқлаш ва уларнинг яқинлари билан боғланиш устида иш олиб боряпти.